Джыперы на балоце. Тэст-драйв у заказніку «Балота Мох»

4 мая 2016 года беларуска-нямецкі аўтазавод MAZ-MAN правёў тэст-драйв новага нямецкага ўседарожніка «Оверкамер» (Хаска) па верхавым балоце на тэрыторыі рэспубліканскага гідралагічнага заказніка «Балота Мох». У выніку аматары экстрыму парушылі палажэнне аб заказніку, якое забараняе рух на аўтатранспарце, знішчылі частку жывога надглебавага покрыва, а таксама пашкодзілі да ступені спынення росту 94 дрэвы.

Мэта:

• пакрыццё шкоды за парушэнне прыродаахоўнага заканадаўства;

• прадухіленне паўторных выпадкаў знішчэння прыродных экасістэм масавымі мерапрыемствамі, якія праводзяцца на іх тэрыторыі.

Удзельнікі:

• ГА «Багна» і ГА «АПБ»,

• Дзяржаўная прыродаахоўная ўстанова Рэспубліканскі ландшафтны заказнік “Ельня”.

Працягласць:

1 год.

Мэтавая аўдыторыя:

• Міёрская раённая інспекцыя прыродных рэсурсаў і аховы навакольнага асяроддзя,

• Інстытут эксперыментальнай батанікі імя В. Ф. Купрэвіча НАН Беларусі,

• ДЛГУ «Дзісненскі лясгас»,

• Міністэрства ўнутраных спраў,

• Пракуратура Міёрскага раёна,

• Упраўленне следчага камітэта па Віцебскай вобласці.

Інструменты:

Юрыдычныя:

• звароты ў дзяржаўныя органы;

• маніторынг месца здарэння ў складзе камісіі;

• распрацоўка прапаноў для ўнясення паправак у заканадаўства.

Інфармацыйныя:

• артыкулы і прэс-рэлізы ў СМІ;

• відэаролік з месца падзей.

Органы, якія адказваюць за прыняцце рашэнняў:

Міністэрства прыродных рэсурсаў і аховы навакольнага асяроддзя,

Міністэрства спорту і турызму,

Упраўленне следчага камітэта па Віцебскай вобласці.

Вынік:

1) У выніку кампаніі атрымалася дамагчыся завядзення крымінальнай справы ў дачыненні да парушальнікаў па артыкуле 264 КК. Згодна з ацэнкаамі, шкода навакольнаму асяроддзю склала 60 900 BYN. Аднак у 2017 годзе нам стала вядома аб спыненні крымінальнай справы ў сувязі з немагчымасцю даказаць датычнасць да гэтага інцыдэнту пэўных асоб.

2) Разам з грамадскасцю спецыялісты Міністэрства прыродных рэсурсаў і аховы навакольнага асяроддзя дапоўнілі Закон Рэспублікі Беларусь “Аб ахове навакольнага асяроддзя» артыкулам 54-1 «Патрабаванні ў галіне аховы навакольнага асяроддзя пры правядзенні спартыўных, спартыўна-масавых, культурна-відовішчных, iншых масавых мерапрыемстваў, здзяйсненні турыстычных падарожжаў». У ім гаворыцца, што не дапускаецца правядзенне любых масавых мерапрыемстваў і турыстычных падарожжаў, «калі ў выніку іх правядзення будзе аказана шкоднае ўздзеянне на прыродныя комплексы і аб’екты альбо існуе пагроза такога ўздзеяння». У норме таксама ўдакладняецца, што гэта абмежаванне адносіцца і да мерапрыемстваў, падчас якіх выкарыстоўваюцца транспартныя сродкі ў спецыяльна не прызначаных для гэтых мэтаў месцах, размешчаных у натуральных экалагічных сістэмах. Артыкул уступіў ў сілу з 22 студзеня 2017 года.